Help mense luister

Vrydag, 26 Junie 2009 15:00 Geskryf deur Nico Simpson

Om mense te help om te luister kan jy ook nog die volgende in gedagte hou:

Mense hoor as hulle dink

• Begelei mense om hulle eie gevolgtrekkings te maak.
  
• Hanteer mense met respek en waardeer hulle.
  
• Verwag van hulle om te dink.
• Self-leer is al leer wat jou regtig leer.

Mense hoor vanuit hulle eie stories

• Help mense om hulle eie kennis en ervaring te deel.
  
• Skep ‘n luister-oomblik deur die Bybelverhaal en die mense se stories te laat oorvleuel.
• Gebruik die ervarings tussen byeenkomste as wegspringplek.

Mense hoor as hulle self probeer

• Betrek hulle deur aktiwiteite.
  
• Dink saam met hulle na oor waar groei reeds by hulle plaasgevind het.
• Oefen die luistervaardighede tydens byeenkomste.

Mense hoor deur vrae

• Laat mense die inhoud van die Skrifgedeelte bevraagteken vanuit hulle eie waardes, ervaring en denkraamwerke.
• Akkommodeer verskillende ”leerstyle”.

Mense hoor as dit veilig is

• ”Always save face.”
• Skep ‘n aangename, nie-bedreigende en aanvaardende atmosfeer.

Hoor begin by ‘n aanvoelbare behoefte

• Vra mense om jou te help om prioriteite vas te stel.
• Laat hulle die luisterproses saam met jou beplan.

Mense hoor as hulle die groter prent sien

• Gee ‘n eenvoudige groter raamwerk vroeg in die proses.

Mense hoor as die aanbieder self kan luister

• Verwoord wat jy by hulle wil leer.
  
• Gee terugvoer oor wat jy reeds by hulle geleer het.
• Laat hulle toe om jou styl en proses te bevraagteken.
• Hanteer hulle altyd volwasse, soos jy jou beste vriend/in sou hanteer.