SOEK HIER VIR BYBELGEDEELTES


Tik die naam van die Bybelboek wat jy soek hieronder in om die resultate te "filter". Dit sal jou baie gou wys of die hoofstuk of perikoop wat jy soek hier beskikbaar is.

Die vorige alfabetiese lys is steeds hier, maar sal nie langer opgedateer word nie.



Kerkjaar 2018-19

File Version Licence Size Added Hits

Handelinge 5:27-32 – Tweede Sondag van Paastyd – 28 April 2019

Handelinge5 27-32Lees die gedeelte in ingeslote deel uit Die Nuwe Testament vir Kinders met Familietyd. Daar is ook ‘n blokraaisel om die grootste wonder van Jesus se opstanding uit die dood te ontdek. Die preekriglyn gee nie net aan die perikoop aandag nie, maar ook aan die groter verbande van die gebeure. Daar word nou by die verhaal van Petrus en Johannes op pad tempel toe in hoofstuk 3 aangesluit. Die genesing van die verlamde man lei daartoe dat al hoe meer mense na hulle begin stroom en deur hulle verkondiging geleer word. Dit is egter juis hierdie getuienis wat moeilikheid veroorsaak. Terwyl hulle nog besig was om daarvan te getuig stop van die godsdienstige leiers hulle in die tronk tot die volgende môre. Die poging van die Joodse Raad om hulle stil te maak, slaag egter net om hulle vaster in hulle oortuiging te vestig: "Julle moet maar self besluit wat voor God reg is: om aan julle gehoorsaam te wees of aan God.

Handelinge 5:27-32.ppt 814 KB Apr 17, 2019 16:49 Download 51
Handelinge 5:27-32.pptx 676.11 KB Apr 17, 2019 16:47 Download 41
Handelinge 5:27-32.doc 150 KB Apr 17, 2019 16:47 Download 132

Johannes 20:1-18 – Paasfees – 21 April 2019

Johannes20 1-18bVertel die storie van Jesus se opstanding dramaties! Kinders kan deelneem deur die gebeure op te voer soos wat jy dit lees. Jy kan ook die pragtige video van die Jesus Storybook Bible se vertelling van Johannes 20. Skakel ingesluit. Dit is altyd ook ‘n goeie idee om die Paasfees-gebruike te verduidelik. Die preekriglyn begin met die aanhaling van Hesychius van Jerusalem: “Hidden first in a womb of flesh, he sanctified human birth by his own birth. Hidden afterward in the womb of the earth, he gave life to the dead by his resurrection (Paashomilie 5-6). Op Paassondag móét ons dus die opstandingsverhaal lees en verkondig. Die omkeermoment van die Jesusverhaal het immers aangebreek: die diepte, verlatenheid en stilte van die dood is oorwin. Die kruisiging en sterwe van Jesus is nie die laaste hoofstuk van sy verhaal op aarde nie. Daar is wel 'n weggerolde klip, 'n leë graf en verskynings aan mense as bewys van lewe na die dood. Op Paassondag trek ons ons feesklere aan en vier saam met gelowiges oor die wêreld heen dat ons Here Jesus leef. Ons vier dat Jesus se oorwinning oor die dood vir ons die lewe op 'n radikaal nuwe manier moontlik maak; in die hede, in die toekoms, asook selfs na ons eie einde hier op aarde. Op Paassondag onthou ons dat lyding en swaarkry, verontmensliking, rou, siekte, eensaamheid, verlange, wanhoop, sonde en die dood, ons tot in ewigheid nie sal kan afsny van God se liefde en sorg vir ons nie. Ons onthou dat die donkerste dieptes van dit wat ons lewe noem – dit wat soms soos hel kan voel – nooit die oorhand kan kry oor die genade en die werklikheid van Jesus se heerskappy nie; van hemel op aarde en hemel naas aarde.

Johannes 20:1-18.ppt 660.5 KB Apr 12, 2019 10:30 Download 87
Johannes 20:1-18.pptx 571.18 KB Apr 12, 2019 10:28 Download 71
Johannes 20:1-18.doc 150.5 KB Apr 12, 2019 10:28 Download 222

Psalm 22 – Goeie Vrydag – 19 April 2019

Psalm22Om die gedagte van Godverlatenheid oor te dra, kan jy vir die kinders vra of hulle al ooit in die middel van die nag in die donker wakker geword het en gevoel het hulle is alleen. Laat hulle vertel hoe dit voel. Verduidelik dat dit amper is hoe Jesus aan die kruis gevoel het - en hoe ons ook soms voel. Ons voel alleen en dink God is nie by ons nie. Net soos wat Pappa en Mamma tog naby is, al voel ons alleen, is God ook steeds naby. Dit dek die tafel vir die preek oor hierdie Psalm. Dit gaan hier oor die feit dat God die gebed van die hulpeloses nie verontagsaam nie. Die Psalmis bid nie net om verlossing nie, maar loof God vir die verlossing wat Hy gebring het. Dit is daarom ook moeilik om dié Psalm te lees, sonder om die lyding, kruisiging en opstanding van Jesus so duidelik hierin te hoor. En natuurlik is dit 'n Messiaanse Psalm wat in die lewe van Jesus vervul is. Maar ons moet nie te maklik vergeet dat dit ook 'n Psalm van Dawid is, en dat dit in die eerste plek vir hom in sy lewe betekenis gehad het. Soos dit ook vir ons betekenis het.

Psalm 22.ppt 996.5 KB Apr 12, 2019 04:07 Download 79
Psalm 22.pptx 821.36 KB Apr 12, 2019 04:06 Download 55
Psalm 22.doc 170.5 KB Apr 12, 2019 04:05 Download 194

Psalm 31 – Sesde Sondag in Lydenstyd – 14 April 2019

Psalm31Gesels oor die konsep van God wat ‘n rots of ‘n bergvesting is. Jy kan weer dieselfde konsep as dié van 3 Februarie (Psalm 71) gebruik. Julle kan ook gesels oor watter ander dinge vir ons sulke veilige plekke simboliseer, bv jou ma se arms. ‘n Ander konsep om die beeld mee te verduidelik, is ‘n “den” vir wanneer ‘n mens speletjies soos aan-aan speel. Daar is ook ‘n skakel na ‘n video van Psalm 31. Die psalms is wonderlike ruimtes wat ons help om ons eie gevoelens te verwoord en oor ons diepste pyn – en oorwinnings – te praat. Jesus Self haal twee keer uit die psalms aan terwyl Hy aan die kruis hang. Hierdie Psalm teken die worsteling van Dawid om in sy vertroue op God te volhard, ten spyte van teëstand en teëspoed. Dit word saamgebind deur die appèl aan die einde aan die hoorders-lesers om sterk te wees, moed te hou en te bly vertrou.

Psalm 31.ppt 635 KB Apr 09, 2019 05:07 Download 69
Psalm 31.pptx 554.5 KB Apr 09, 2019 05:06 Download 63
Psalm 31.doc 108.5 KB Apr 09, 2019 05:05 Download 172

Jesaja 43:16-21 – Vyfde Sondag in Lydenstyd – 7 April 2019

Jesaja43 16-21bRoep ’n paar kinders vorentoe met Familietyd. Laat hulle hulle vingers aflek, dit in ’n bakkie met sout druk en dan weer aflek. Nou kan hulle voel hoe dit moet voel om dors in die woestyn te wees. Plaas vooraf ‘Jannie-verjaar koeldrank’ (sommer gewone groen of rooi koeldrank) iewers waar niemand dit kan bereik nie en ’n koelboks waar dit sigbaar is, maar onopvallend. Sê vir die kinders “Is julle dors? Kry dan vir julle van die koeldrank”. Nadat die kinders dit probeer bereik het, sê vir hulle dat hulle op die verkeerde plek soek, want in die koelboks (iewers bereikbaar) is daar vir elkeen ’n yskoue blikkie koeldrank (nog lekkerder en beter as die Jannie-verjaar koeldrank). Lees dan vers 19-21 wat ‘n goeie oorgang om met die preek te begin. Die oordeel van die eerste deel van Jesaja word hier met Eksodus- en Skeppingsmotiewe vervang. God gaan ‘n nuwe begin met sy volk maak. Ná ‘n uitleg van die betekenis vir daardie tyd, kan dit opgevolg word met die vraag: "Waartoe verlos Christus ons?" Hierdie verlossingsdaad van God is immers telkens nuut in nuwe omstandighede.

Jesaja 43:16-21.ppt 2 MB Mar 27, 2019 17:07 Download 102
Jesaja 43:16-21.pptx 904.87 KB Mar 27, 2019 17:05 Download 91
Jesaja 43:16-21.doc 106.5 KB Mar 27, 2019 17:04 Download 238

Lukas 15:1-3, 11b-32 – Vierde Sondag in Lydenstyd – 31 Maart 2019

Lukas15 1-3 11b-32Vertel gewoon die gelykenis en onderstreep dat God ons altyd liefhet. Maak seker dat jy dit dramaties vertel. Laat kinders dit bv opvoer terwyl jy die teks lees. Of wys die video waarvan die skakel ingesluit is. Jy kan ook die verhaal vertel met behulp van ‘n arms-wawyd-oop-figuurtjie – en dan vir kinders die nodige toerusting gee om hul eie figuurtjie te maak terwyl hulle na die preek luister. Instruksies en ‘n inkleurprent ingesluit. Die preekriglyn begin met die drie-deling van die Skrifgedeelte en beklemtoon Lukas se fokus op die armes, weduwees, siekes en randfigure. Daarom word die leser met die eerste lees van hierdie Skrifgedeelte, herinner aan die gedagte dat God Hom verbly in die terugvind van iemand wat verlore was. Ons Skrifgedeelte beklemtoon ook veral God se liefde vir die sosiale randfigure en verstotenes. Die preekriglyn werk stapsgewyse deur die storielyn en sluit af met ‘n fokus op die oudste seun. Die gevaar is dat gelowiges wat lank in die vaderhuis leef soos die oudste seun kan raak. Ons wil dan nie dat die verkwisters, sondaars en lieplappers sommer net so oorlaai word met gratis genade nie. Ons strategie sou eerder wees dat hulle deur 'n proses van selfverbetering gaan om moreel gesuiwer te word, voordat ons feesvier. Ons kan liewer mense se morele verbetering aan die werk van God oorlaat. Mense word vanuit die omhelsing, vergifnis en feesvieringe in God se huis nuutgemaak. Ons kan voorbeelde stel, mentor, selfs raad gee. God se fees is egter nie 'n prysuitdeling vir die moreel onbevlektes nie. Dit is 'n fees van God se genade – vir ons en ander.

Lukas 15:1-3, 11b-32.ppt 569 KB Mar 27, 2019 05:03 Download 94
Lukas 15:1-3, 11b-32.pptx 489.22 KB Mar 27, 2019 05:01 Download 90
Lukas 15:1-3, 11b-32.doc 121 KB Mar 27, 2019 05:01 Download 181

Jesaja 55:1-9 – Derde Sondag in Lydenstyd – 24 Maart 2019

Jesaja55 1-9bNeem 'n bord vol tuisgebakte koekies, maak dit met foelie toe, sodat die kinders nie kan sien wat in die bord is nie. Begin dan deur te sê dat daar baie lekker en mooi dinge in die lewe is wat baie duur is. Vra dan vir hulle of hulle iets lekker kan noem wat nie vreeslik duur is nie. Wys uit dat daar sommige items is wat dalk goedkoper is, maar wat selfs beter is as sommige duurder items. Neem die bord vol koekies as voorbeeld. Hulle smaak beslis beter as die duurder winkel koekies. God nooi ons, wat geen geld het nie, om te kom koop en te eet! Lees Jes. 55:1-2. Beklemtoon die feit dat God baie dinge vir ons gee wat geen geld kos nie. Dinge soos liefde, vergifnis, krag, hulp en leiding. Beklemtoon veral dat God wil hê dat ons op hierdie dinge moet fokus – die goedkoper, beter dinge in die lewe – in plaas van die duur items wat ons so begeer. Daar is niks beter as die gratis gawes van God nie. As jy wil, kan jy dan vir elke kind 'n tuisgebakte koekie gee. Dit verskaf ‘n uitstekende inleiding vir die preekriglyn, want selfs grootmense sal die boodskap daarvan ter harte kan neem. Die boodskap van Jesaja (en Jesus) wil ons energie gee om nuut te dink oor ons menswees, ons identiteit, ons roeping. As ons oë oopgaan vir die nuwe wêreld waarheen God met ons op pad is, word ons God se medewerkers wat nou al, in die winter van die ou wêreld, tekens van die Here se liefde, geregtigheid en trou oprig. Tekens wat verkondig: Die winter is byna verby, God se somer kom. Kom koop, sonder om te betaal, wyn en melk. Sien weer God se planne raak wat ver bo ons planne en gedagtes is. Gryp dit vas. Gehoorsaam. Jy sal vrede vind wat die wêreld nie vir jou kan gee nie en ook nie van jou kan wegneem nie.

Jesaja 55:1-9.ppt 935.5 KB Mar 18, 2019 16:40 Download 103
Jesaja 55:1-9.pptx 816.16 KB Mar 18, 2019 16:39 Download 79
Jesaja 55:1-9.doc 102 KB Mar 18, 2019 16:38 Download 207

Filippense 3:17- 4:1 – Tweede Sondag in Lydenstyd – 17 Maart 2019

Filippense3-17 4-1Die Filippenseteks sê vir ons dat dit belangrik is dat ons "vasstaan" in God. Ons is God se mense en ons vertroue is in God se mag. Gee vir elke kind 'n klein papierhartjie om in hulle skoene te sit as herinnering om vas te staan vir Jesus. Moedig hulle aan om dit elke dag vir die res van die week in hulle skoene te sit. Die preekriglyn fokus op lyding as ‘n werklikheid. Soveel mense spandeer soveel energie om lyding uit die weg te ruim, en dit is goed so. Oor die afgelope 2,000 jaar het Jesus se volgelinge ook op baie terreine lyding probeer versag. Tog is lyding 'n werklikheid. Daarom sug en verlang ons so dat God die wêreld finaal kom nuut maak. In ons teks praat Paulus oor die lyding wat aktiewe teenstanders van die geloof veroorsaak. “Daar is baie wat as vyande van die kruis van Christus lewe." Paulus beklemtoon dat lyding en teenstand nie die laaste woord oor mens se lewe sê nie. Ons vreugde, blydskap en vervulling kom nie uit ons omstandighede nie. Die vloei uit ons geloof in Jesus Christus. Jesus en dit wat Jesus doen is die inhoud van ons geloof. Dit is die inhoud van ons geloof wat ons troos en ons bly maak. Daarom kan ons volhard. Daarom kan ons mekaar ook bly ondersteun. Ons is sáám op die reis van geloof na ons heerlike toekoms.

Filippense 3:17-4:1.ppt 631 KB Mar 11, 2019 15:54 Download 118
Filippense 3:17-4:1.pptx 567.5 KB Mar 11, 2019 15:52 Download 95
Filippense 3:17-4:1.doc 108 KB Mar 11, 2019 15:52 Download 213

Lukas 4:1-13 - Eerste Sondag in Lydenstyd - 10 Maart 2019

Lukas4 1-13Help die kinders om hulself in Jesus se situasie in te dink. Wys prentjies van ’n woestyn. Wys dalk ’n klip en ’n varsgebakte broodjie wat baie lekker lyk en vra of hulle dink dat dit vir Jesus moeilik was om nee te sê vir die duiwel as hulle na die woestyn, die klip en die brood kyk. Vertel vir die kinders dat God altyd goed na ons sal kyk al voel dit asof ons in ’n slegte plek soos die woestyn is. Jesus wys vir ons dat ons altyd moet vertrou op God al lyk ander dinge lekkerder (soos die brood teenoor die klip). Daar is nóg voorbeelde wat jy kan gebeuik. In die preekriglyn fokus ons nie op gewone versoekings nie – morele goed, gierigheid, en mag – maar op die lewe met God – die versoeking van ongeloof en ongehoorsaamheid in plaas van vertroue en volharding op die pad wat die Here vir jou wys. Ons praat oor die uitdagings waarvoor dié pad met God jou plaas. Dit sluit baie keer alleenheid in die woestyn in waar jy moet besluit of jy die pad met die Here gaan loop, al is daar geen ondersteuning nie, net jy en jou geloof in die Here. Die teks wil vir jou vaste kos gee vir die lewe wat jy met God moet loop, sodat dit nie later blyk dat jy vasgeval en in ongeloof en ongehoorsaamheid agter gelaat is nie. Dat jy dit wat vir jou die kosbaarste is, jou geloof in God, versaak en die pad byster geraak het nie.

Lukas 4:1-13.ppt 871 KB Mar 04, 2019 10:19 Download 131
Lukas 4:1-13.pptx 705.24 KB Mar 04, 2019 10:18 Download 115
Lukas 4:1-13.doc 124 KB Mar 04, 2019 10:17 Download 256

Psalm 99 – Sondag van die Verheerliking – 3 Maart 2019

Psalm99Hierdie is ‘n goeie Sondag om veral met kleiner kinders te gesels oor gebed. Gebed is nie inkopielysies nie. Ons gesels met God. Gebruik die verskillende vingers van ‘n hand om vir mense die verskillende aspekte van gebed te verduidelik. Die vierde Psalmboek , Psalms 90-106, fokus op die feit dat die Here reg deur die eeue getrou gebly het aan die volk van Israel ten spyte van die ontrouheid van Dawid se koningshuis en die volk se voortdurende ongehoorsaamheid. Dit eindig met 'n appèl aan die Here om die ballinge weer terug te bring na Jerusalem, soos dit in Ps. 106:47 uitgespel word. Die vierde Psalmboek in sy geheel, gegewe die koppeling met die tyd van die ballingskap, help ons ook om te verstaan dat selfs in 'n tyd wat jy swaarkry, 'n mens blydskap in die teenwoordigheid van die Here kan beleef deur lofprysing. Psalm 99 is een van die prima Aanbiddingspsalms. Twee keer loop die beskrywing van God se wese en werk uit op 'n gelykluidende oproep om God te aanbid. Psalm 99 roep ons dus op om God te aanbid. Daar is twee redes daarvoor. Eerstens is God die Heilige Heerser wat oor alles troon. Tweedens is God die een wat gebede beantwoord. Dit pas ons aan-aan die eenkant om met ontsag Hom te aanbid. Terselfdertyd nooi Hy ons aan die ander kant uit om soos Moses, Aäron en Samuel met Hom in gesprek te tree oor alles in ons lewe. Hy sal antwoord. Daarop kan ons vertrou. Maar, dit sluit in dat Hy soewerein bly in die tipe antwoord wat Hy gee. En gehoorsaamheid is belangriker as gebedsverhoring.

Psalm 99.ppt 576 KB Feb 24, 2019 04:45 Download 135
Psalm 99.pptx 541.03 KB Feb 24, 2019 04:44 Download 118
Psalm 99.doc 105 KB Feb 24, 2019 04:43 Download 266

Sewende Sondag ná Epifanie – 24 Februarie 2019 – Lukas 6:27-38

Lukas6 27-38Gebruik die weergawe van die teks in die Nuwe Testament vir Kinders. Daar is ook ‘n kinderboodskap ingesluit. Die preekriglyn skop af met Rolf Nestingen se verhaal oor sy ouers wat wou hê dat hy 'n dokter moes word sodat hulle sommer vir niks siek kon word nie. Toe word hy maar 'n predikant sodat hy vir niks goed kon wees nie. Immers, hoeveel maal word leraars nie gespot oor die feit dat hulle net een dag per week werk nie! Hulle is goed vir niks nie. Nestingen skryf dat dit nogal moeilik is om 'n dag af te vat as jy net een dag per week werk! Daarmee word die tafel gedek vir ‘n gesprek oor goedwees; dat Jesus ons in hierdie gedeelte uitdaag om presies dit te doen: om lief te hê vir niks; om goed te doen vir niks; om geld uit te leen vir niks; om goed te wees vir niks! Vir niks! Jesus leer ons daarmee dat ons die krag van ons optrede nie moet onderskat nie. In Lukas se tyd was hierdie optrede radikaal anders en was dit 'n "aggressiewe evangeliese strategie" om gemeenskap met mense te skep wat van die geloofsgemeenskap vervreemd was. Uiteraard sal almal nie positief op hierdie liefde wat niks verwag reageer nie, maar ons ywer om hulle aan die barmhartigheid van die Vader bloot te stel moet nooit verflou nie.

Lukas 6:27-38.ppt 1.4 MB Feb 19, 2019 05:53 Download 122
Lukas 6:27-38.pptx 548.83 KB Feb 19, 2019 05:51 Download 112
Lukas 6:27-38.doc 123.5 KB Feb 19, 2019 05:51 Download 241

Sesde Sondag ná Epifanie – 17 Februarie 2019 – Lukas 6:17-26

Lukas6 17-26Sermons4kids stel voor dat jy gesels oor geluk. Blaas saam met die kinders bubbles. Geniet vir ‘n rukkie die blaas van die bubbles. Laat mense probeer om dit te vang. Bubbles maak almal gelukkig! Die probleem daarmee is dat dit nie hou nie. Die oomblik wat jy daaraan raak, bars dit. Baie van die dinge waarby mense geluk soek, is soos bubbles. Hulle jaag dit, maar kan dit nooit kry nie. Gesels oor die goed waarby mense geluk soek en dan oor die manier waarop ons geluk vind wanneer ons bv arm is en ontdek dat God sorg, of hartseer is en ontdek dat God troos. Die preekriglyn begin met Ferdinand Deist se verhaal oor die Nobelpryswenner vir Fisika, Werner Heisenberg, se stryd toe Hitler die Duitse regering in 1933 oorgeneem het. Moes hy padgee of bly? Die deure was oop om 'n pos in die buiteland te kry, byvoorbeeld in die kerninstituut van Niels Bohr in Noorweë. Hy besluit toe om in Berlyn met sy vertroueling en beroemde fisikus Max Planck te gaan gesels. Planck het toegegee dat hy maklik 'n pos iewers anders kon kry. Toe sê hy hierdie woorde: "Maar wat jy ook al besluit, dink aan die tyd wat ná die katastrofe kom." Hoewel ons ons nie kan voorstel wat mense tydens die Nazi-skrikbewind deurgegaan het, hoeveel kompromieë goeie Christenmense dalk moes maak om te oorleef nie, gee dit ons tog 'n beeld van wat baie Christene vandag in die wêreld beleef. Daar is wêrelddele waar dit byna ondraaglik is om 'n Christen te wees. Dit gee ‘n goeie inleiding om te gesels oor moed skep in ‘n tyd van katastrofe en lyding. Om Jesus se woorde ter harte te neem om verder te kyk en die hoop op God self te plaas. Beide op die geestelike seën wat Hy gee en die sekerheid van sy beheer.

Lukas 6:17-26.ppt 348 KB Feb 11, 2019 05:33 Download 144
Lukas 6:17-26.pptx 269.27 KB Feb 11, 2019 05:32 Download 115
Lukas 6:17-26.doc 108 KB Feb 11, 2019 05:32 Download 277

Vyfde Sondag ná Epifanie – 10 Februarie 2019 – Lukas 5:1-11

Lukas5 1-11Verlede jaar het die balpeutery van die Australiërs in die derde kriekettoets teen Suid-Afrika groot opslae gemaak. Dis nie dat hulle nie die reëls geken het nie. Hulle het geweet dis verkeerd. In krieketkringe is dit onaanvaarbaar. Gesels met die kinders vanuit daardie hoek oor die Christelike lewe. Ons teks begin as't ware met die kameralens op 'n wye hoek gestel. Jesus wat die skare leer. Na Jesus die skare geleer het, tree Hy nou in gesprek met Petrus. Petrus is skielik in die kollig. Ná die wonder val hy met ‘n sondebesef op sy knieë voor Jesus. Hy bely sy ontrouheid aan die wet van God. Hy kom tot inkeer. Soos Hy die sondaar Petrus, met al sy gebrokenheid, in diens neem, staan Hy voor ons as die Een wat alle gesag het en daag Hy ons uit om Hom op sy woord te neem en Hom te gehoorsaam en te volg. Immers, diens aan God is die somtotaal van vryheid.

Lukas 5:1-11.ppt 639.5 KB Jan 28, 2019 05:51 Download 175
Lukas 5:1-11.pptx 416.68 KB Jan 28, 2019 05:50 Download 156
Lukas 5:1-11.doc 76 KB Jan 28, 2019 05:49 Download 296

Vierde Sondag ná Epifanie – 3 Februarie 2019 – Psalm 71:1-6

Psalm71 1-6Bou vooraf ‘n fort van komberse en laat die kinders saam met jou in die fort sit terwyl julle gesels. Of, as jy nie kans sien vir die fort nie, vra wie van hulle soms kombers forte in hul huise bou, hoe die forte lyk, hoe hulle dit bou. Verduidelik dat die skrywer van die Psalm bang was. Daarom bid hy dat God vir hom ‘n plek sal wees waar hy veilig voel, soos ‘n rots waaragter hy kan wegkruip. Gesels oor nog plekke waar ‘n mens veilig voel, bv in jou ma se arms. Wys almal op die manier waarop die skrywer van die Psalm skuif: eers vra hy God om vir hom ‘n veilige plek te wees, dan begin hy bely dat God vir hom ‘n veilige plek is. Ons kan ook op die manier vir God vra om vir ons ‘n veilige plek te wees – en vir God dankie sê en vertrou, omdat hy vir ons daardie veilige plek is. Dit is ‘n goeie inleiding tot die prediking. Wanneer mens hierdie woorde hoor, kom die situasie van so baie mense wat skreeu en dors na reg, geregtigheid en bevryding by mens op. Ons land se misdaadlandskap van fisieke geweld, plaasmoorde, korrupsie, finansiële uitbuiting, huisinbraak, gesinsgeweld, transito rooftogte en voertuigkapings versterk ons gebede en geroep om reg en regverdiging. Hierdie gebed roep tot God dat God sal red en uitkoms sal bied. Dit soek troos in God se reg en geregtigheid. Hierdie Psalm roep egter nie net na God nie, maar vind ook rus in God. Die primêre oproep van Psalm 71 is om die gemeente tot bidders op te roep, wat soos die digter vooruitskouend beloof en roem dat hulle God sal loof en prys omdat hulle glo en oortuig is Hy sal redding bring. Met musiekinstrumente moet ons voortydig die wonders wat sal kom nou al besing! Nou reeds die nuwe dagbreek, die troos en vreugde, die nuwe toekoms hoopvol vier! Want dit gaan verseker kom. Ons moet net biddend wag. En dit sal kom as seën, as geskenk. Dit waarborg dié Here wat 'n pad in die see gemaak het. Hy gáán iets nuuts vir jou skep. Hy gaan jou verras.

Psalm 71:1-6.ppt 2.42 MB Jan 28, 2019 05:18 Download 154
Psalm 71:1-6.pptx 974.14 KB Jan 28, 2019 05:17 Download 126
Psalm 71:1-6.doc 112 KB Jan 28, 2019 05:16 Download 253

Derde Sondag ná Epifanie – 27 Januarie 2019 – 1 Korintiërs 12:12-31a

1Korintiers12 12-31Jy kan die fokusteks in Familietyd tussen 3 lesers verdeel en dramaties voorlees. Voorbeeld ingesluit. Daar is ook ‘n treffende illustrasie van Carolyn Brown ‘n kleinkind wat ‘n boek vir die oupa aandra en só sy voete word. Ons is tans in die kerklike jaar in die tyd van Epifanie. Die woord epifanie beteken letterlik "verskyning". Vandag se teks praat oor ons gemeente, oor die geloofsgemeenskap wat die Here hier op aarde kom skep het. Hoe is ons deel van die verskyning van die Lig in die wêreld? Wat vra ons teks van Christusvolgelinge met betrekking tot ons funksionering as liggaam van Christus in die wêreld? Hoe lyk dit wanneer God se gemeente prakties lewe in die lig wat van God uitstraal? Dit is ironies dat die verskillendes geestelike gawes van God 'n bron kan word van konflik en wantroue tussen gelowiges. Dit is deels die bron van die konflik in Korinte. Dit is vandag steeds so. Daarenteen is die eenheid in Christus, waarvan ons teks getuig, 'n eenheid wat alles te bowe gaan. Ons is almal saam in Christus. Dit beteken nie dat ons almal dieselfde is of hoef te wees nie. Dit beteken ook dat die verskeidenheid van gawes die eenheid nie bedreig nie, maar dien. Ons moet net insig daarin hê.

1 Korintiërs 12:12-31.ppt 373 KB Jan 21, 2019 10:41 Download 134
1 Korintiërs 12:12-31.pptx 283.29 KB Jan 21, 2019 10:39 Download 134
1 Korintiërs 12:12-31.doc 123 KB Jan 21, 2019 10:38 Download 249

Tweede Sondag ná Epifanie – 20 Januarie 2019 – 1 Korintiërs 12:1-11

1Korintiers12 1-11Met Familietyd kan jy werk met die tema dat die kerk in diens van God staan. Gebruik ’n gereedskapkis om dit te illustreer. Beskrywing en inkleurprent ingesluit. Daar is ook ’n eenvoudige vertaling uit die Nuwe Testament vir Kinders. Die preekriglyn begin met die konteks van die stad Korinte en die vrae wat die gemeente as gevolg daarvan gehad het oor ‘n wye reeks etiese en praktiese situasies. Daarna word vers vir vers deur die boodskap van die gemeente as die liggaam van Christus gewerk en die implikasies ook vir gemeentes vandag getrek. Daar word ook uitvoerig aandag aan die gawes van die Gees gegee met ‘n bespreking van verskillende sieninge daaroor deur die eeue.

1 Korintiërs 12:1-11.ppt 600 KB Jan 11, 2019 09:23 Download 148
1 Korintiërs 12:1-11.pptx 500.98 KB Jan 11, 2019 09:22 Download 131
1 Korintiërs 12:1-11.doc 117 KB Jan 11, 2019 09:21 Download 314

Eerste Sondag ná Epifanie – 13 Januarie 2019 – Jesaja 43:1-7

Jesaja43 1-7aDie teks leen hom daarvoor om oor God se beskerming te gesels, en dit ook aan die betekenis van die doop te koppel. "Ek het jou op jou naam geroep…" Jy kan die verhaal van Daniël gebruik wat in die leeukuil gegooi is en toe deur God op ‘n buitengewone wyse gespaar is (Daniël 6). Brei dalk uit oor die leeus se stink asems, die harde geroggel as hulle brul en hoe lank die naels aan hulle voorpote is. Fokus dan op die wonder van bewaring in uiterste nood en hoedat Daniël ervaar het dat God hom inderdaad op sy naam geroep het – hoedat die beloftes van Jes 43 vir hom waar geword het. Daar is meer inligting oor leeus in die preekriglyn. Dit verskaf ‘n goeie inleiding vir die aangrypende teks van Jesaja 43. Ons teksgedeelte verduidelik hoe onbenullige mense aan die verkeerde kant van die geskiedenis en die heersende politieke magte, in ballingskap, die vrede van die Here kan deel. In hierdie verse sê die Here Hy is die een wat Israel nuut skep en vorm. Die woord wat hier met "vorm" vertaal word, is dieselfde woord wat in Genesis 2 gebruik word wanneer God die mens vorm om in God se tuin te leef en werk. Soos die Here Adam gevorm het, vorm Hy Israel. Moenie bang wees nie is die versekering wat die Here gee aan diegene wat geroep word. Vrees word uitgedryf, omdat God die redder, verlosser, bevryder van mense is. God ken hulle by die naam. Net soos Adam die diere in die tuin van name voorsien het, en so beheer oor hul uitgeoefen het, so dui die Here se benoeming van Israel aan dat Israel sy besitting is.

Jesaja 43:1-7.ppt 562.5 KB Jan 11, 2019 09:17 Download 176
Jesaja 43:1-7.pptx 433.53 KB Jan 11, 2019 09:16 Download 134
Jesaja 43:1-7.doc 204 KB Jan 07, 2019 06:49 Download 311

Epifaniefees – 6 Januarie 2019 – Matteus 2:1-12

Matteus2 1-12dSoos met enige verhalende teks kan jy gewoon die Skriflesing dramaties doen. As die omstandighede gepas is, kan kinders dit ook opvoer terwyl iemand dit lees. Daar is ook pragtige stories wat jy kan vertel. The Camel Who Found Christmas deur Alexa Tewkesbury illustreer hoe niemand hoef bang te wees nie, want almal – selfs die kleinste kameeltjie – is welkom by God. As jy dit nie kan opspoor nie, kyk by die ingeslote skakel. The Fourth King deur Ted Sieger is ‘n pragtige storie oor die sterrekyker wat dit nooit gemaak het tot by die krip nie, want hy het oral langs die pad mense gehelp. Sy avonture kan dalk bietjie lank wees, maar jy sou dit kon verkort. Daar is selfs in 2005 ‘n fliek van die boek gemaak. As jy dit nie in die hande kan kry nie, kan jy oorweeg om dit by die ingeslote skakel te leen. Daar is ook inkleurprente van die sterrekykers. Ons teks is opvallend-genoeg 'n verhaal van soek – byna almal is naarstiglik aan die soek. Die geboorte van ’n Koningskind ontketen ’n soektog wat van ver af uit die ooste begin. Die sterrekenners het ’n aanduiding gekry, op grond van hulle wysheid en studie van die sterre, dat ’n koning van die Jode gebore is. Hulle aanvanklike soektog bring hulle by koning Herodes in Jerusalem uit. Die sterrekenners doen by Herodes navraag oor waar die koningskind gebore is. Herodes doen dieselfde en vra op sy beurt aan die skrifkenners en priesterleiers waar die Christus gebore sou word. Die sterrekykers soek die Koningskind om Hom te aanbid en te eer as die Koning van die Jode. Herodes soek Hom ook, maar vir duistere redes. Dit sou later in die hoofstuk blyk dat hy die nuwe Koning as bedreiging beskou en Hom uit weg wou ruim. Matteus se boodskap met hierdie verse aan sy lesers is dat Jesus Christus die ware Koning van die Jode is. Hy sal volgens Miga 5 vir sy volk sorg soos ’n herder.

Matteus 2:1-12.ppt 332.5 KB Dec 17, 2018 18:05 Download 182
Matteus 2:1-12.pptx 241.9 KB Dec 17, 2018 18:05 Download 177
Matteus 2:1-12.doc 113 KB Dec 17, 2018 18:04 Download 339

Eerste Sondag na Kersfees – 30 Desember 2018 – Psalm 148

Psalm148aDie Psalm verduidelik dat alles wat geskep is die lof van God besing. ’n Kollega vertel dat daar ’n man in sy gemeente is wat saam met sy vrou met hulle seiljag reg rondom die wêreld gevaar het. Die man het altyd ’n mikroskoop op sy jag gehad. Hy vertel hoe hy eendag toe hulle baie vêr weg van land af, heeltemal afgesonderd, gevaar het, van die seewater geskep het en dit onder die mikroskoop bekyk het. Tot sy groot verbasing het hy die wonderlikste kleure en patrone en formasies gesien. So mooi dat hy net meer en meer daarna wou kyk. Na die tyd het hulle baie daaroor gedink en gewonder hoekom al hierdie wonderlike prag en skouspel so vermors lê in die diepte van die oseaan, want min mense kan dit ooit sien en waardeer. Toe besef hulle dat die Here dit vir Homself gemaak het en dat Hy dit dag na dag geniet. Al die prag en skoonheid maak Sy naam groot en sing ’n loflied tot Sy eer. Net so is alles wat mooi en goed is rondom ons, ook besig om die eer aan God te bring. Deel vir die kinders skryfgoed en papier uit en vra dat hulle ’n prentjie van iets moet teken wat hulle dink ’n loflied vir God is. Psalm 148 is 'n pragtige, gepaste Psalm om by die jaareinde te oordink. Psalm 148 brei die oproep tot lof uit tot die hele heelal – die hemel en die aarde, die skepsels en die skeppings. Die redes vir die lof lê in God se betroubare bevestiging van alles wat leef. Dié lof word in die eerste plek gevra – vers 1-6 – van alles wat in die hemel gemaak is. Dit sluit die lewende skepsels in: engele en hemelse magte. Dit sluit ook die gepersonifieerde skeppings in: son, maan, sterre, selfs die water wat uit die hemelkoepel op die aarde reën verskaf. Dié lof word in die tweede plek gevra – vers 7-14 – van alles wat op die aarde gemaak is. Dit sluit die lewende skepsels in – beide die diere as die mense: seemonsters, wilde diere, vee, kruipende diere, voëls, konings, aanvoerders, regeerders, al die volke, jongmense en oumense. Dit sluit ook die gepersonifieerde skeppings in: vuur, hael, sneeu, newels (miswolke), stormwind, berge, heuwels, vrugtebome, seders, en selfs die diep waters (oseane). Die hele skepping het hulle bestaan aan God te danke. Daar is niks uitgesluit wat nie God as Skepper moet loof nie. Die hele skepping is vir hulle voortgaande bestaan van God afhanklik. Daar is niks uitgesluit wat nie God se betroubare bevestiging nodig het nie. Daarom moet die hele skepping God loof. Dit is die bepaalde bestemming van alles wat leef en beef, veral van dié wat "na aan Hom is". Halleluja! Hoe sal ons 2018 eindig en 2019 betree? Kom ons doen dit met lof op ons lippe. Ons lewe is veilig geborge in ons God. Alle vorme van bestaan is veilig geborge in God!

Psalm 148.ppt 1.39 MB Dec 17, 2018 17:50 Download 163
Psalm 148.pptx 1.28 MB Dec 17, 2018 17:49 Download 156
Psalm 148.doc 101.5 KB Dec 17, 2018 17:49 Download 262

Kersfees – 25 Desember 2018 – Titus 2:11-14

Titus2 11-14Betrek kinders van verskillende ouderdomme deurgaans deur die liturgie. Laat hulle kerse aansteek en voorlesings doen. Dikwels bring kinders hul Kersgeskenke saam erediens toe. Vra dat hulle dit vir die gemeente kom wys en geniet dit saam met hulle. Herinner mekaar dan aan die heel beste geskenk, net voordat julle ‘n lofsang sing. Daar is ’n magdom pragtige Kersverhale wat jy kan lees! Ons gee talle skakels na bv: Panov; Eseltjie se droom; Old Bafana; Star Bright; The Giveaway en Song of the Stars. Carolyn Brown wys op ‘n interessante vergelyking wat vanuit die Titus Skriflesing getrek kan word tussen Jesus en Kersvader. Kersvader bring nét geskenke vir die kinders wat soet was: “Santa brings toys only to the good. Jesus comes to love us not because of anything we have done to earn it but because God loves us.” Die preekriglyn begin by die verhaal van Sully, die noemnaam van Chesley Sullenberger III, wat die kaptein van die passasiersvliegtuig was wat 'n noodlanding op die Hudsonrivier moes doen. In die fliek vertel die medevlieënier hoe briljant Sully die situasie hanteer het. Vlieëniers tree volgens vooraf ingeoefende prosedures op. Sully moes sekere van hierdie instruksies ignoreer, omdat dit in die situasie nie van toepassing was nie. Hy moes die regte prosedures identifiseer en dit nougeset uitvoer. Dit het hy briljant gedoen. Die omgekeerde is ook waar. Die verkeerde gedrag kan lewens kos en verwoes. Dit is waarskynlik maklik om aan voorbeelde te dink waar growwe nalatigheid groot skade aan mense aangerig het. Dit is egter ook waar van "minder ernstige" oortredings. Dit is dikwels liefdeloosheid, hooghartigheid, veroordeling en beterweterigheid by gelowiges wat mense van die geloof "afsit". Dit is daarom seker nie om dowe neute dat Paulus in hierdie brief aan Titus aandag gee aan Titus se gedrag nie. Titus is 'n jong geestelike leier van 'n jong gemeente op die eiland Kreta. Paulus gee egter nie net aandag aan Titus se gedrag nie. Hy is begaan oor die gedrag van die gelowiges in die algemeen, van almal in die gemeente. Dit sluit in Titus, die ouderlinge, gesinslede teenoor mekaar en gelowiges teenoor ongelowiges.

Titus 2:11-14.ppt 534.5 KB Dec 17, 2018 17:48 Download 153
Titus 2:11-14.pptx 444.56 KB Dec 17, 2018 17:47 Download 131
Titus 2:11-14.doc 123.5 KB Dec 17, 2018 17:47 Download 239

Vierde Sondag in Advent – 23 Desember 2018 – Lukas 1:39-45,(46-55)

Lukas1 39-45 46-55In vers 43 maak Elisabet ’n aangrypende uitspraak as sy die ongebore Jesus reeds “haar Here” noem. In vergelyking met ons, wat werk met “geloof as kennis en vertroue”, en die mense van haar tyd, wat werk met “sien is glo”, is Elisabet eintlik ’n uitsondering. Die vraag wat amper outomaties by ons opkom is: Hoe kry sy dit reg? Vers 41 gee die antwoord: “sy is met die Heilige Gees vervul”. Om aan kinders iets daarvan te verduidelik, gebruik die voorbeeld van ’n doedelsak. Dalk kan jy een iewers leen of iemand kry wat dit kan bespeel. Die doedelsak is nie op sy eie iets wat kan werk nie, maar as iemand van buite af lug kan inblaas, is die potensiaal daar dat daar klanke kan uitkom. Die preekriglyn werk met die tema van blydskap wat dikwels in Lukas se evangelie herhaal word. Daarom word dit dikwels 'n "happy Gospel" genoem. Dit gebruik meer as enige ander boek in die Nuwe Testament woorde waarvan die wortel verband hou met blydskap. Dit gaan in ons teks om drie persone se blydskap, naamlik: die van Elisabet, die van die kind in haar moederskoot (Johannes) en die van Maria. Die belangrikste van die blydskap is egter die bron daarvan, naamlik God se wonderwerkende ingrype in hulle lewe.

Lukas 1:39-45, 46-55.ppt 527.5 KB Dec 17, 2018 17:46 Download 154
Lukas 1:39-45, 46-55.pptx 349.75 KB Dec 17, 2018 17:45 Download 140
Lukas 1:39-45, 46-55.doc 324.5 KB Dec 17, 2018 17:44 Download 246

Derde Sondag in Advent – 16 Desember 2018 – Lukas 3:7-18

Lukas3 7-18aCarolyn Brown stel voor dat die gemeente met Familietyd deelneem aan vandag se Skriflesing. ‘n Gedeelte van die gemeente is die “mense”, ‘n gedeelte die tollenaars, ander die soldate. Nog iemand is die verteller. Iemand anders is Johannes. Johannes moet vooraf voorberei om dramaties te lees soos vir ‘n groot skare buite. Met die preekriglyn word aangesluit by Johannes die Doper se rol as wegbereider, en nagedink oor die volle inhoud van die heil wat God bring. Ons fokus dieper op die inhoud van Johannes die Doper se prediking. Ons stap eerstens deur die teks, en daarna dink ons na oor die betekenis daarvan vir ons. Die erns en dringendheid van 'n besluit om bekering word beklemtoon. Die byl wat reeds teen die wortels van die boom lê, die feit dat die boom uitgekap gaan word asook die verbranding in die vuur, dien juis om te waarsku dat die oordeel aan die kom is. Dit is as 't ware op hande. Daar is nie eintlik baie tyd oor om 'n keuse te maak nie. Baie mense besef nie dat ons in die laaste dae lewe nie. Baie mense steur hulle nie baie aan die feit dat die wederkoms naby is nie. Ander sake geniet maklik ons onmiddellike aandag. Daarom moet ons dringend aandag gee aan die wegdraai van ons verkeerde lewe en seker maak ons besluit vandag om die geloof in Jesus te aanvaar. Dit is vandag ook versoeningsdag. Ons dink aan 'n diep verdeelde samelewing waar sommige se verwagtinge bots met ander se vrees. Ons word uitgedaag om na te dink oor ons eie lewensverhaal in die lig van Johannes se prediking. Wat sou Johannes vir ons sê as ons hom in die woestyn gaan besoek het? Hoe sou hy ons lewensstyl en ons ideale aangespreek het? Ons vier ook Adventstyd. Ons sien vooruit na die viering van die koms van die Kersbaba. Ons vier God wat mens geword het en ons kom genees het. Johannes leer ons dat diegene wat die genade vier nie daardeur onaangeraak mag bly nie. Die genade verander ons, bekeer ons, laat ons genadige lewens lei, lewens wat pas by God se bedoeling ons ons.

Lukas 3:7-18.ppt 412 KB Dec 10, 2018 20:10 Download 123
Lukas 3:7-18.pptx 337.55 KB Dec 10, 2018 20:09 Download 109
Lukas 3:7-18.doc 113.5 KB Dec 10, 2018 20:08 Download 200

Tweede Sondag in Advent – 9 Desember 2018 – Lukas 3:1-6

Lukas3 1-6aJohannes die Doper het ‘n unieke leefstyl gehad – in die woestyn geleef en vreemde kos geëet. Dit moes darem aaklig gewees het om sprinkane te eet. Laat val die lig vir ‘n oomblik op hierdie wegbereider wat op sy beurt die lig net op Jesus laat fokus. Kry die kinders sover om ook vreemde kos te probeer ... wurms! Wurms wat jou mond erg laat brand is algemeen in die winkels beskikbaar. Deel dit aan die kinders uit dat die gemeente hulle gesigte kan sien trek ... Of maak vooraf jellie wurms. Metode ingesluit. Die preekriglyn begin met ‘n oorsig van die politieke en godsdienstige situasie in Suid-Afrika en die NG Kerk. Met hierdie teks word die gemeente van die Here herinner aan die woord van God wat 2,000 jaar gelede tot Johannes, die seun van Sagaria, in die woestyn gekom het. Lukas gee erkenning aan van die groot figure van sy tyd, sommige van hulle regte skurke. Deur dit te doen, plaas hy Jesus se verhaal in die historiese konteks daarvan. Lukas se punt is: die Jesus-gebeure speel in die geskiedenis af. Dit is nie 'n sprokie, feëverhaal of dagdroom nie. Dit is geskiedenis, deel van ons geskiedenis. Alles wat verder in die evangelie gaan gebeur is deel van dieselfde wêreld, dieselfde werklikheid waarin ons ook deel. Ons moet egter ons heil nie bloot net van groot leiers verwag nie. Bekering, goddelik-hergeoriënteerde mense, is hiervoor nodig. Dit sluit ons in.

Lukas 3:1-6.ppt 775.5 KB Nov 21, 2018 17:22 Download 208
Lukas 3:1-6.pptx 615.62 KB Nov 21, 2018 17:20 Download 180
Lukas 3:1-6.doc 126.5 KB Nov 21, 2018 17:20 Download 325

Eerste Sondag in Advent – 2 Desember 2018 – Lukas 21:25-36

Lukas21 25-36aGebruik die inleiding van die preek, die toneel uit die fliek Shrek, vir Familietyd. Gesels oor die frustrasie van ’n lang reis. Sluit dan aan by die boodskap van die teks. Oorweeg om vanjaar as gemeente “omgekeerde adventkalenders” te maak. Inligting ingesluit. Die preekriglyn begin met 'n kostelike toneel uit die film Shrek. Shrek, sy verloofde en Donkey is op pad na die koninkryk "Far, far away". En – omdat dit 'n reis na ver, ver weg van hier is, is dit 'n la-a-a-ng reis. Jy het dit seker al self ook beleef? Julle is op pad met vakansie en die pad voel lank. Jy – of die kinders – raak ongeduldig. En die verwagting en ongeduld word woorde: "Hoe lank nog?" "Hoe ver nog?" "Wanneer is ons daar?" Natuurlik is daar 'n al hoe groter wordende intensie en nood wat opbou. Dit was dieselfde in Jesus se tyd en Lukas se tyd. Wanneer Jesus oor die naderkom en aanbreek van God se koninklike heerskappy in hulle wêreld praat, vra die mense: "Here, wanneer sal hierdie dinge gebeur en wat is die teken van wanneer dit gaan plaasvind?" Ons teks is deel van Jesus se antwoord op hierdie vraag. Hy praat oor die nabyheid van die koninkryk van God en oor die tweede koms van die Seun van die Mens. Hy belowe dat Hy saam met ons op reis is ... en dat ons saam met God op reis is. God is hier teenwoordig en besig. God se nuwe begin is aan 't uitrol. Sy koninklike heerskappy ís 'n toenemende werklikheid al sien ons dit nie raak nie, óf al voel ons nie so nie. Wees daarom wakker. Interpreteer die werklikheid waarin ons leef met wysheid. En leef jou lewe. Geniet die reis. En laat God se hier wees jou in elke oomblik verras.

Lukas 21:25-36.ppt 686 KB Nov 21, 2018 16:09 Download 201
Lukas 21:25-36.pptx 602.49 KB Nov 21, 2018 16:08 Download 181
Lukas 21:25-36.doc 100 KB Nov 21, 2018 16:07 Download 290

Kerkjaar 2017-18

File Version Licence Size Added Hits

Openbaring 1:4b-8 – Sewe en Twintigste Sondag in Koninkrykstyd – Sondag van Christus die Koning – 25 November 2018

Openbaring1 4b-8Dit is die laaste Sondag van die kerkjaar. Die Sondag van Christus die Koning. Dit is dáárom heel gepas om vir die kinders te demonstreer dat Jesus die Here van alles is, die Eerste en die Laaste. Speel ’n Alfabet-speletjie om die idee op ‘n bevatlike manier oor te dra in Familietyd. Ons teks vestig die aandag op die persoon van Christus wat met God self vereenselwig word. Dieselfde beskrywings wat vir God gebruik word (Alfa en Omega; Eerste en Laaste) word ook vir Christus gebruik. Net soos God, is Christus ewig, sonder begin en einde. God se koms na die aarde toe, val saam met Christus se wederkoms. Christus het God sigbaar gemaak. Daarom word Christus ook aanbid. Ons fokus dus by hierdie feesdiens op die boodskap van oorwinning deur Christus en sy aanbidding deur die gelowiges. Ons stap eers as't ware deur ons teksgedeelte om hierdie agt verse te verken. Daarna gee ons aandag aan die betekenis daarvan – dat die werklikheid van die wederkoms elke gelowige aanspoor om geestelik waaksaam te wees. Aan die einde van die kerklike jaar, op die drumpel van Adventstyd, spoor hierdie teks ons aan tot lof en aanbidding van Jesus Christus wat op die wolke kom.

Openbaring 1:4b-8.ppt 515 KB Nov 16, 2018 07:26 Download 208
Openbaring 1:4b-8.pptx 360.19 KB Nov 16, 2018 07:25 Download 169
Openbaring 1:4b-8.doc 118 KB Nov 16, 2018 07:24 Download 307

1 Samuel 2:1-10 – Ses en Twintigste Sondag in Koninkrykstyd – 18 November 2018

1 Samuel2 1-10Hoewel vandag se fokusteks gaan oor Hanna se gebed, kan dit goed werk om die hele verhaal van Hanna op ‘n kreatiewe manier te vertel. Hulpmiddels ingesluit. Kinders voel dikwels soos die “geringstes”, soos die mense wat eenkant of onsigbaar is. Dit is ‘n sterk lyn in Hanna se gebed (soos ook in dié van Maria) dat God die onderdrukte, geringste, die wat honger is, die armes raaksien en beskerm. Herinner die kinders dat God hulle spesiaal raaksien en vir hulle omgee. Hierdie is ook ‘n goeie geleentheid om te gesels oor gebed. Die preekriglyn werk met die verhaal van Marsha Mark en haar eggenoot vir wie die dokter gesê het dat hulle nooit hul eie kinders sal kan hê nie. Diep teleurgesteld het Marsha nogtans aan 'n vriend se woorde vasgehou: "Op een of ander manier gaan God julle stryd tot sy eer gebruik." Marsha het begin bid om iets van die glorie van God raak te sien ... en Amanda is op 22 Oktober daardie jaar gebore. "Ons noem haar 'Wonderwerk Mandie'," sê Marsha. Dit gee ‘n goeie inleiding om oor Hanna, eens 'n kinderlose vrou, se jubelgebed omdat die Here vir haar 'n seuntjie gegee het, te gesels. Marsha Mark is tereg so opgewonde oor die dogter wat sy wonderbaarlik ontvang het. Hanna neem dit verder. Sy is nie net dankbaar oor Samuel nie. Sy verheug haar oor wie die Here is. Sy is nie net dankbaar oor wat God gedoen het nie, maar ook wat God gaan doen. Die troos van die lewe lê in God. In wie God is. In wat God gedoen het. En in die toekoms saam met God.

1 Samuel 2:1-10.ppt 305 KB Nov 11, 2018 06:35 Download 157
1 Samuel 2:1-10.pptx 207.72 KB Nov 11, 2018 06:33 Download 155
1 Samuel 2:1-10.doc 123.5 KB Nov 11, 2018 06:33 Download 278

Hebreërs 9:24-28 – Vyf en Twintigste Sondag in Koninkrykstyd – 11 November 2018

Hebreers9 24-28Met Familie-tyd kan jy met die kinders gesels oor die Eiffel toring in Parys en die betekenis daarvan vir die Franse (foto’s ingesluit). Dit gee ’n goeie aanleiding om daarna oor die tabernakel en sy betekenis te gesels. Die preekriglyn fokus op die evangelie van Jesus Christus wat deur die Hebreërbrief aan sy lesers tuisgebring word op ’n unieke manier aan mense in hulle unieke omstandighede. Dit is gerig aan mense wat deur geloofsbeproewing gaan en die gevaar loop om deur vertwyfeling en wanhoop hulle visie op Jesus Christus te verloor. Hierdie hoop vind sy krag in die feit dat Hy in kontras met die ou verbond, Jesus die volmaakte offer gebring het wat vir ons 'n anker is vir ons verwagting van 'n toekoms by God.

Hebreërs 9:24-28.ppt 551.5 KB Oct 31, 2018 09:12 Download 187
Hebreërs 9:24-28.pptx 660.01 KB Oct 31, 2018 09:11 Download 180


For DOWNLOAD is used JotLoader component © V. Kanich 2007-2009